പ്രേക്ഷകര്ക്ക് ഏറെ പ്രിയപ്പെട്ട താര കുടുംബമാണ് കൃഷ്ണകുമാറിന്റേത്. സോഷ്യല് മീഡിയയില് നിറഞ്ഞ് നില്ക്കുന്ന കുടുംബം. തിരുവനന്തപുരം മണ്ഡലത്തില് എന്ഡിഎ സ്ഥാനാര്ത്ഥിയായി മത്സരിക്കുകയാണ് കൃഷ്ണകുമാര്. ഇപ്പോള് നടന് സോഷ്യല് മീഡിയകളില് പങ്കുവെച്ച കുറിപ്പാണ് ശ്രദ്ധേയമാകുന്നത്. ഒരു അച്ഛന് എന്ന നിലയില് മക്കള്ക്കെതിരെയുള്ള വിവാദങ്ങള് ഏറെ ബുദ്ധിമുട്ടുണ്ടാക്കുന്നുണ്ട്. മക്കളുടെ പേരില് വിവാദം ഉണ്ടാക്കിയാല് വേദനിക്കുന്ന കൃഷ്ണകുമാര് എന്ന അച്ഛനെ മാത്രമേ നിങ്ങള്ക്ക് അറിയൂ. എന്ത് പ്രതിസന്ധി വന്നാലും നിലപാടുകളില് ഉറച്ചു നില്ക്കുകയും, പറയുന്ന നിലപാടിനോട് സത്യസന്ധത പുലര്ത്തുകയും ചെയ്യുന്ന കൃഷ്ണകുമാര് എന്ന പൊതുപ്രവര്ത്തകനെ ഇപ്പോഴും വിവാദ കമ്മറ്റിക്കാര്ക്ക് മനസ്സിലായിട്ടില്ലെന്നും കൃഷ്ണകുമാര് സോഷ്യല് മീഡിയയിലൂടെ പങ്കുവെച്ച കുറിപ്പില് പറയുന്നു. കൃഷ്ണകുമാറിന്റെ കുറിപ്പ്: ജീവിതത്തിലെ ഏറ്റവും വലിയ ശക്തി നാല് പെണ്മക്കളടങ്ങുന്ന എന്റെ ഈ സന്തുഷ്ട കുടുംബമാണ്. ഒരു കലാകാരന് എന്ന നിലയിലും പൊതു പ്രവര്ത്തകന് എന്ന നിലയിലും ബുദ്ധിമുട്ടുകള് ഏറിയ ഓരോഘട്ടത്തിലും അവരുടെ പിന്തുണയില്ലായിരുന്നുവെങ്കില് എന്റെ ജീവിതകഥ മറ്റൊന്നാകുമായിരുന്നു. ഇപ്പോള് തിരഞ്ഞെടുപ്പില് മത്സരിക്കുന്ന സ്ഥാനാര്ത്ഥി എന്ന നിലയില് ജനങ്ങളുടെ പ്രശ്നങ്ങളില് ഇടപെടുകയും, പരിഹാരമാര്ഗങ്ങള് നിര്ദ്ദേശിക്കുകയും ചെയ്യാന് ആരംഭിച്ചപ്പോള് സ്വതന്ത്ര വ്യക്തികളായ എന്റെ പെണ്മക്കളെയും വിവാദങ്ങളിലേക്ക് വലിച്ചിട്ട് വ്യക്തിപരമായി ഉപദ്രവിക്കാനാണ് ചിലര് ശ്രമിക്കുന്നത്.
ഒരു പൊതു പ്രവര്ത്തകന് എന്ന നിലയില് ഈ ഘട്ടത്തെ അതിജീവിക്കുകയും നേരിടുകയും തന്നെ ചെയ്യും. പക്ഷേ ഒരു അച്ഛന് എന്ന നിലയില് ഈ വിവാദങ്ങള് എനിക്ക് ഏറെ ബുദ്ധിമുട്ടുണ്ടാക്കുന്നുണ്ട് എന്നിരുന്നാലും ആരോടും പരിഭവിക്കാതെ പറയാനുള്ള നിലപാടുകള് ഉറച്ചു പറഞ്ഞുകൊണ്ട് മുന്നോട്ടു പോവുക തന്നെ ചെയ്യും ഞാൻ . മക്കളുടെ പേരില് വിവാദം ഉണ്ടാക്കിയാല് വേദനിക്കുന്ന കൃഷ്ണകുമാര് എന്ന അച്ഛനെ മാത്രമേ നിങ്ങള്ക്ക് അറിയൂ. എന്ത് പ്രതിസന്ധി വന്നാലും നിലപാടുകളില് ഉറച്ചു നില്ക്കുകയും, പറയുന്ന നിലപാടിനോട് സത്യസന്ധത പുലര്ത്തുകയും ചെയ്യുന്ന കൃഷ്ണകുമാര് എന്ന പൊതുപ്രവര്ത്തകനെ ഇപ്പോഴും വിവാദ കമ്മറ്റിക്കാര്ക്ക് മനസ്സിലായിട്ടില്ല എന്ന് തോന്നുന്നു.